Ta Sirbi Massachusetts

School Meals

Vizon Jeral

Kriansas Podi Kumi di Grasa na Skolas di Massachusetts

A partir di anu skolar 2023-2024, sta rifeisons sta disponivel di grasa na skola pa TUDU studanti— permanentimenti! Keli signifika ma tudu studantis di Massachusetts ki sa ta frikuenta un skola ki ta partisipa na National School Lunch Program (Prugrama Nasional di Almusu na Skola) podi apruveita un almusu sabi, nutritivu di grasa pa ses familia tudu dia. I kafe di grasa ta dadu pa tudu studanti na skolas ki sa ta partisipa na School Breakfast Program (Prugrama di Kafe na Skola).

SOBRI RIFEISONS NA SKOLA

Tudu Algen Ta Kumi—I E Midjor Oras Ki Nu Fazel Djuntu

Rifeisons gratis na skolas ta poi kumida nutritivu na pratu di kriansas i stress lonji di onbru di ses familias. Mas apizar ki kafe i almusu e nisisidadi, kela ka ker dizer ma es ka podi ser divirtidu, tanbe.  Kumi rifeisons na skola ka ta nutri so korpu, mas ta da studantis xansi di fazi amigus i adikiri abilidadis sosial ki ta ben dura vida interu.

Bu Pratu Favoritu Podi Ser Un Ki Inda Bu Ka Sprimenta

Rifeisons na skola ta djuda kriansas ten abitus di alimentason saudavel ki podi riduzi kazus i gravidadis di diabeti tipu 2, duensa di korason, i obezidadi. Oras ki kriansas odja ses kolega ta sprimenta novus kumida di cafeteria di skola, es ten mas xansi di fazi mesmu kuza i sprimenta novus kumidas saudavel ki ta midjor ses kresimentu i aprendizajen. Di es manera, pais ta uza ses alimentus ki es sua pa el so pa fazi kumida ki es sabi ma ses fidju gosta.

Gosi ki rifeisons na skola e gratis pa tudu studantis, mas kriansas di familias di tudu faixa di rendimentu sa ta fazi ses rifeisons na skola. Ta fazi vidas di familias i kriansas mas fasil, divirtidu, sabi, i orientadu pa kumunidadi. 

Kenha ki ta flaba ma tudu ki ta poi kriansas gosta di verduras e un kuzinha di preson di kolega?

BENEFISIUS DI RIFEISONS GRATIS NA SKOLA

Tra un kuza di bu pratu, i na mesmo tempo garanti ma di ses sta xeiu.

  • Ta popau tenpu — fora di kama i na rua! 
  • Ta popau dinheru — un media di $1,200 pa anu/pa kriansa. Un bonus extra e menus bolsas plastiku di sandwich ta okupa bu spasu presiozu na gaveta.
  • Aumenta riseita pa skola di bu fidju — ki ta reinvestidu pa midjora prugrama di rifeison di skola di bu fidju, pa ki es kontinua ta fazi rifeisons ki es ta sirbi inda mas sabi i saudavel.
  • Kebra bareras i stigma — mas kriansas dja sa ta apruveita kafe i almusu djuntu na skola gosi ki e di grasa. Gosi, tudu algen ta apruveita rikreiu ku bariga xeiu.
Never worry about lunch Starts Line

BENEFISIUS DI KAFE GRATIS NA SKOLA

Mas Primeru, Kafe!

E mutu mas fasil muda mundu ku bariga xeiu. Pur isu tudu dia di sedu, txeu skolas ki ta partisipa na Prugrama di Rifeisons na Skola ta sirbi kumida fresku i sabi pa serebru pa tudu studanti, sen kustu pa ses familias. I , alguns skolas inda ta oferesi lanxis di grasa!

Oras ki bu studantis kumesa ses dia ta toma kafe na skola, es ta bai ten:

  • Midjor Produtividadi — rijistus ta mostra ma studantis ki ta toma kafe ten midjor mimoria (otimu pa fazi testi), midjor konportamentu, i midjor rijistu di prizensa. 
  • Midjor Saudi — na para "hanger" antis di e kumesa i riduzi risku di obezidadi. 
  • Midjor Dia  — menus un kuza pa bu priokupa ku el, ki ka ten kuza ki ta paga. 
Breakfast for champions Starts Line

Inklui Kafe Gratis Na Rotina di Bu Kriansa di Sedu!

Kontakta skola di bu studanti pa sabi mas sobri prugrama di kafe gratis.

Purguntas Frikuenti

Tudu skolas ki ta partisipa na National School Lunch Program ta oferesi rifeisons gratis na skola. Keli ta inklui tudu skolas publiku i maioria di skolas indipendenti di Massachusetts.

Almusu e gratis pa tudu studanti i ta dadu na tudu skola ki ta partisipa na National School Lunch Program. Txeu skolas ta oferesi kafe di manha i alguns ta oferesi un lanxi tanbe. Si skola di bu fidju ta da almusu, kafe di manha, i un lanxi, tudu sta disponivel di grasa. Si bu ka ten serteza ki rifeisons ki skola di bu fidju ta da, kontakta distritu di bu skola diretamenti pa diskubri.

Sim, na anu skolar di 2023-2024, skolas sa ta funsiona prizensialmenti i rifeisons gratis na skola sta disponivel na skola pa tudu studanti.

Sim, distritus di skola ta iziji ki familias pa prenxi Inskrison pa Rifeison Gratis & Presu Riduzidu na Skola pa ki familias ki ta kualifika pa elejibilidadi pa otus prugramas, sima taxas di atividadis speradu i taxas di testis universitariu (prugramas elejivel ta varia di akordu ku distritu). Uniku ixseson e pa skolas/distritus ki sa ta funsiona na Community Eligibility Provision (CEP). Na skolas CEP, familias ka ta izijidu pa prenxi inskrison pa Rifeison Gratis & Presu Riduzidu na Skola. Si bu ka ten serteza si bu fidju sta na un skola CEP, favor entra en kontatu ku Dipartamentu di Sirvisu di Kumida na bu distritu.

Si bu fidju partisipa na rifeisons gratis na skola e ka ta sta ta toma rifeison di ninhum outro pessoa – na verdadi – e ta djuda otus kriansa i familias ki mas mestel!  Tudu familias e inkorajadu pa tra vantaji di rifeisons gratis na skola pamodi e ta:

  • Ta popau tenpu i dinheru
  • Aumenta rendimentu pa skola di bu fidju
  • Ta kebra bareras i stigma pa otus kriansas ki ta kume rifeisons na skola

Sim, rifeisons di skola ta izijidu pa sigui un padron federal di rifeison ki ta inklui kuantidadi spesifiku di frutas, vejetal, i grans. Rifeisons na skola ten ki atinji limiti pa sodiu, gordura saturadu, i kaloria jeral. Menus frikuentimenti ta poi kumida di lokalidadi pa suporta ortas, pexerus, i otus produtoris di komunidadis lokal.

Na skolas ki ta funsiona na Prugrama National School Lunch (Almusu Nasional na Skola), orientasons federal ta difini un almusu saudavel, ben konpletu pa tudu studanti. Pa ki skolas rienbolsadu pa kustu di kada rifeison, studantis ta izijidu pa leba un fruta i verdura na ses almusu. Si un studanti ka leba un fruta i verdura, e podi kobradu pa kustu di rifeison kel dia. Si studantis kre otus extra (ie. Un sandwich extra, biskoitu, jeladu, o otus kuzas), es podi kobradu un kustu adisional pa kes kusas tanbe. E midjor djobi opsons di almusu di skola dretu ku bus kriansas i garanti ma es ta lenbra di prenxi ses pratu ku kumidas di skola saudavel, sabi ki sta disponivel pa es.

Si bu ta mora na Massachusetts i bu mesti asistensia alimentar, kumesa ta txoma pa Linha Diretu di Project Bread's FoodSource oji na 1-800-645-8333 o vizita nos pajina Get Help pa sabi mas. 

Nu podi pou en kontaktu ku prugramas ki ta bai djudau ten dinheiro pa konpras di kumida i djudau poi kumida na meza. 

Txomanu e senpri gratis, i konfidensial. Nos kounselherus podi djudau na:

  • Sabi si bu podi risebi SNAP (asistensia finanseru pa konpras) i djudau inskrevi oji! 
  • Atxa rifeisons gratis pa bus fidjus na bu kumunidadi
  • Sabi modi ki bu podi uza bus benefisius di HIP
  • Atxa prugramas di rifeison i dispensas di kumida 
  • i mas...

Si bu risebi benefisius P-EBT, ten bon xansi di bu kualifika pa benefisius di SNAP, txomanu oji i nos konselherus ta ben pre-silesionau pa SNAP pa sabi si bo e elejivel.