Ta Sirbi Massachusetts

Summer Eats

Tudu kriansas i adolesentis ta kume di grasa

Benvindu pa veron di kumida sabi

Atxa un Lokal di Summer Eats Undi Tudu Kriansas + Adolesentis ta Kumi di Grasa

Summer Eats e un prugrama totalmenti gratis ki ta oferesi rifeisons gratis pa tudu kriansas i adolesentis, ki ten menus di 18 anu di idadi, na txeu zonas di Massachusetts duranti kes mes di veron.

Atxa un lokal di Rifeison Summer Eats

Klika na lokal pa sabi mas. Novus lokal ta podu na mapa tudu dia!

Sobri Summer Eats

Benvindu pa veron di kumida sabi!

Summer Eats ta anima veron di tudu kriansa na intxis ses bariga i ses dia ku atividadis ki ta pos sai na rua, labanta, i movimenta.

Rializadu pa Massachusetts' Department of Education, lokals di Summer Eats na different partis distadu ta oferesi rifeisons gratis pa tudu kriansas i adolesentis, sen nisisidadi di identifikason o rijistu. Kuidadoris podi xinta diskansadu pamodi es sabi ma rifeisons ka ta dipendi di es, i uza kel tenpu i inerjia pa foka na tudu otus kusas na ses lista di kuzas pa fazi.

Rifeisons ta oferesedu pa kriansas i adelesentis pa kumi na lokal, alguns lokal gosi ta oferesi rifeisons grab & go (panha i bai)! Prendi mas na seson Purguntas Frikuenti di baxu.

Two children smile excitedly going down a slide in a park Starts Line

Purguntas Frikuenti

Summer Eats e un prugrama federal di nutrison fetu pa garanti ma tudu joven (18 anu o menus) ten asesu a rifeisons saudavel i lanxis duranti veron, oras ki skola sta di feria! Rifeisons gratis sta disponivel pa tudu kriansas i adolesentis na sentenas di lokal na stadu. Atxa lokals, dias, i orarius na mapa di riba.

Tudu kriansas na Massachusetts, ku idadi entri 0-18, podi risebi rifeisons gratis na kualker lokal di Summer Eats listadu na mapa di riba.

Ta dipendi di lokal. Pamodi mudansas risenti na regulamentus federal, txeu lokal ta ben pirmiti kuidadoris toma rifeisons i lebas pa kaza. Kontakta organizason o distritu di skola ki ta funsiona na lokal ki bu ta kre frikuenta (listadu na mapa komu Sponsoring Organization) pa sabi si es ta pirmiti keli.

Na maioria di lokal, konformi rigulamentus federal, rifeisons ten ki konsumidu na lokal. Rifeisons grab & go sta disponivel so na alguns lokal rural. Na mapa di riba, es lokal ta teni “grab & go available” na nomi di ses site, i spesifikasons di operason grab & go ta sta na seson “additional info” na ditalhi di site. Lokal di rifeisons grab & go podi identifikadu tanbe na mapa la na tab di “Filters”. Ta dipendi di lokal. Pamodi mudansas risenti na rigulamentus federal, lokals di Summer Eats podi gosi oferesi rifeisons di manera di grab & go (panha i bai), i e desizon di organizason o distritu di skola ki ta opera prugrama. Munti lokal ta skodji oferesi rifeisons grab & go (panha i bai).  Kontakta organizason o distritu di skola ki ta funsiona na lokal ki bu ta kre frikuenta (listadu na mapa komu Sponsoring Organization) pa sabi si es ta oferesi rifeisons di panha i bai.

Ta dipendi di lokal. Pamodi mudansas risenti na rigulamentus federal, lokal di Summer Eats podi gosi oferesi varius rifeisons di un bez, pa ser konsumidu na prosimu dia o varius dias. Organizason o distritu di skola ki ta funsiona na prugrama ta disidi kantu rifeisons ki es ta da di un bez. Kontakta organizason o distritu di skola ki ta funsiona na lokal ki bu ta kre frikuenta (listadu na mapa komu Sponsoring Organization) pa sabi si es ta oferesi varius rifeisons di un bez.

Nau! Na tudu lokal Summer Eats listadu na mapa di riba, kriansas i adolesentis podi bai i risebi un rifeison gratis! Ninguen ka ta pidi un i.d. o fazi ninhun purgunta.

Bu podi bai pa kualker lokal di Summer Eats na mapa, ka ten ki ser na zona ki bu ta mora. Lokals na mapa ta atualizadu frikuentimenti, nton torna djobi pa sabi si lokal sta disponivel na lokal mas pertu di bo. 

Klaru ki nau. Ninhun identifikason ka ta pididu pa un kriansa o adolesenti podi risebi rifeisons gratis atraves di Summer Eats na kualker lokal listadu na mapa.

Alguns ten, alguns ka ten. Txeu lokal ta sforsa pa inklui prugramason o atividadis pa ses partisipantis, paralen di es oferesi rifeisons gratis, mas keli ta dipendi di lokal pa lokal. Pa sabi mas sobri atividadis na un lokal partikular, kontakta organizason o distritu di skola ki ta funsiona na lokal ki bu ta kre frikuenta. Tanbe bu podi bai pesoalmenti i purgunta ekipa ki ta sta la! 

Rifeisons izatu ki ta dadu ta varia di lokal pa lokal i normalmenti ta priparadu pa organizason ki sta ta patrosina na kumunidadi. Un konbinason di kafe di manha, almosu, lanxi i/o janta podi dadu. Tudu rifeisons ki ta dadu na Summer Eats ten ki sigui un padron federal di nutrison stabelesidu pa USDA. Frutas i vejetal ta dadu na tudu rifeison, djuntu ku grans. Kontakta organizason lokal ki sa ta patrosina si bu teni purguntas sobri menus izatu ki sta ta sirbidu.

E provavel ki lokal podi oferesi un rifeison ki ka ten alerjenus pa kriansas kume, mas es ta bai mesti sabi antesipadu pa pripara di akordu. Kontakta organizason o distritu di skola ki ta funsiona na lokal ki bu ta kre frikuenta i purgunta si es ta podi acomoda kes alerjias spesifiku i dexas sabi na ki lokal i orariu ki bu ta kre bai toma rifeison.

Es Summer Food Service Program (SFSP), e konxedu na Massachusetts pa Summer Eats, e un prugrama finansiadu pa federason i administradu pa stadu. Operadores di Prugrama di Summer Eats ta risebi rienbolsu federal pa rifeisons saudavel gratis i lanxis ki es ta da pa kriansas i adolesentis oras ki skola sta di feria.

Sim! Si bu sa ta risebi Summer P-EBT inda bu podi bai pa lokal di Summer Eats i risebi rifeisons gratis duranti veron interu. Podi sta a vontadi pa uza tudu dos prugramas, i bu ka ta fazedu ninhun purgunta na lokal di Summer Eats sobri bu elijibilidadi pa P-EBT o kualker otu prugrama. 

Nos Parseria

Project Bread’s Child Nutrition Outreach Program ten parseria ku MA Department of Elementary and Secondary Education (DESE) pa garanti ki rifeisons gratis sta asesivel pa kriansas i adolesentis na diferenti partis di Massachusetts atraves di Summer Eats.

Summer Eats provides fuel for the summer. Starts Line