Ta Sirbi Massachusetts

Konsigi Apoiu

Rikursus di Alimento i Asistensia

  • Rifeisons di Grasa pa Kriansas i Adolesentis

    School Meals

    Tudu rifeisons di skola e permanentimenti gratis pa tudu studanti na Massachusetts na skolas ki ta partisipa na prugrama National School Lunch. Tudu skolas ta oferesi almusu i txeu ta oferesi kafe tanbe. Nu ta insentiva tudu pais a apruveita es oferta, pa popa tenpu i dinheru, i ten kabesa friu di sabi ma un fonti di kumida ta fazi parti di dia di skola di bu fidju.

    Prendi Mas Right Arrow
  • Rifeisons di grasa pa kriansas i adolesentis

    Summer Eats

    Rifeisons gratis sta disponivel pa TUDU kriansas & adolesentis, ku idadi entri 0-18, na sentenas di lokals na Massachusetts duranti kes meses di veron. Ninhun rijistu o identifikason e obrigatoriu, i lokals di rifeison sta lokalizadu na stadu interu. Atxa un lokal pertu di bo.

    Prendi Mas Right Arrow
  • Prugramas di nutrison federal

    SNAP

    Ka inporta kuze ki bu sa ta pasa pa el, kumida e un nisisidadi. SNAP signifika Supplemental Nutrition Assistance Program (antis konxedu pa food stamps), i tanbe konxedu pa dinheru pa kumpra kumida. Es prugrama simples e fetu pa ta da asistensia finanseru mensal na forma di un karton di debitu ki podi ser uzadu pa kumpra kumida. Bu ten ki inskrevi pa bu risebi SNAP. Nos konselherus di Linha Diretu di FoodSource podi djudau sabi si bo e elijivel i djudau inskrevi. Txomanu oji (e senpri gratis), o bu podi inskrevi di bo pa bo na interneti atraves di DTA Connect.

    Prendi Mas Right Arrow
  • Prugramas di nutrison federal

    WIC

    WIC e un prugrama di nutrison ki ta prove kumida saudavel, idukason nutrisional, apoiu na da mama, i indikason pa sentru di saudis i otus sirvisus, di grasa, pa familias di Massachusetts ki ta kualifika. Objetivu di WIC e djuda kriansas ku menus di 5 anos di idadi, pessoas ki sta gravida, i kes kaba di pari o sta ta da mama pa manti saudavel. TUDU Prugramas di WIC sa ta oferesi tudu sirvisus pa tilifoni duranti pandemia. Site di WIC ten informason atualizadu i pesoas podi kontakta prugramas WIC na ses local ku kualker purgunta sobri amamentason, nutrison, i fazi konpra. WIC sta disponivel pa tudu familia indipendenti di status di imigrason o sidadania. Djobi pajina di elejibilidadi di WIC pa sabi modi ki familias podi inskrevi online pa sirvisus di WIC. Pesoas ki ta risebi SNAP i txeu otus tipus di MassHealth automatikamenti e elejivel pa WIC. Pais, avos i pais adotivus podi inskrevi kriansas ku idadi mas poku ki sinku anu di idadi ki es ta kuida del.

  • Prugramas di nutrison federal

    P-EBT

    Prugrama di The Pandemic - Electronic Benefits Transfer (P‑EBT) foi kriadu temporariamenti na Primavera di 2020 pa oferesi finansiamentu pa familias ku un studanti ki e elejivel pa rifeisons gratis o ku diskontu na skola, i ki sta matrikuladu na un mudelu ibridu o rimotu di skola. Es finansiamentus djuda familias tem di novo rifeisons ki ses studanti staba ta falta na skola na kes dias ki staba e fitxadu pamodi pandemia. Baziadu na regras federal, studantis ki sta ta frikuenta skola pesoalmenti ka e elejivel pa P-EBT. Familias elejivel pa benefisius P-EBT ta sta notifikadu pa kureiu i ta risebi es benefisius automatikamenti. Ka ten inskrison pa risebi P-EBT. Baziadu na regras federal, familias ta risebi kuantidadi variavel di P-EBT.

    Prendi Mas Right Arrow
  • Konpra di Kumida di Imerjensia gratis

    Dispensa di Kumida

    Dispensas di kumida ta oferesi konpras di kumida di imerjensia gratis pa pesoas i familias na ses kumunidadi lokal. Djobi links na direita pa atxa un pertu di bo ki podi dau aliviu imediatu o txoma Linha Diretu di Project Bread's FoodSource pa risebi un lista di dispensas pertu di bo.

  • Rifeisons intregadu na kaza di guentis grandi

    Meals On Wheels

    Meals on Wheels e un prugrama ki ta oferesi rifeisons ben balansadu pa adultos atraves di intrega na kaza o lokal di jantar konjuntu, i e ta jerensiadu pa ajensias di nutrison pa guentis grandi lokalizadu na diferenti partis di Massachusetts. Si bu mesti alguns rifeisons intregadu na kaza, ekipa ta marka un konsulta pa avaliason di rifeison intregadu na kaza.